【Emily】田北辰見財爺 倡為公共事業加價「封頂」

【明報專訊】距離《財政預算案》公布有兩個多星期，財政司長陳茂波繼續接見唔同議員同團體聽意見。實政圓桌召集人田北辰就關注公共事業加價問題，噚日提出13項建議，包括建議為加價「封頂」嘅措施。田北辰建議，將港鐵股息同隧道收入補貼公共交通營運者嘅開支，將加價幅度控制喺通脹嘅一半或以下，並建議成立200億元嘅「穩定電費基金」，審視兩電財政數據後，有需要時補貼兩電加幅超出通脹嘅金額，為加幅「封頂」。