【Emily】吳傑莊去成都樂山 了解農業旅遊結合發展

【明報專訊】立法會選委界別議員吳傑莊（圖）趁清明節連同復活節假期去咗四川成都、樂山，佢同Emily講，今次會睇當地嘅金融科技、農業科技、新農村發展等，作為全國政協嘅佢今年加入咗農業和農村委員會，特別有興趣了解內地農業同旅遊點樣結合發展，再睇吓同香港有無可以互相學習地方。經樂山市政府介紹下，聽日佢會去峨眉山一間小學，捐運動物資畀佢哋，佢並預備咗10萬元獎學金獎勵學生，其間都會同當地學生講吓香港情况，希望學生有機會可以來港交流。