【Emily】消委嘉年華慶金禧 壓軸大抽獎送70份產品樣本

【明報專訊】消費者委員會不經不覺已成立半個世紀，今年佢哋以「精明消費 燃亮經濟」為主題，舉行一連串50周年慶祝活動，仲會響應3月15日「全球消費者權益日」，首次舉行「315消費者權益周」打響頭炮，重頭戲為一連兩天3月16日至17日喺大圍圍方舉行親子嘉年華，市民一家大細去玩有獎遊戲之餘，仲可以學埋消費權益，入場者仲會免費獲贈消委會金禧版防RFID讀取卡套或三合一書籤，獎品合共過萬份。

嘉年華現場會有多項遊戲，參加者集齊5個印章，再「追蹤」埋消委會社交網站專頁就可以參加壓軸大抽獎，有機會將《選擇》月刊超過70份經過測試可安心使用嘅精美樣本帶走，另包括50周年限定版環保袋、消費權益飛行棋、輕食木餐具套裝、保溫瓶等近7000份。