【Emily】中大文物館陶瓷展 珍品跨越7000年

【明報專訊】中大文物館即日起至今年底舉辦「窯火天工：香港中文大學文物館藏陶瓷精選」特別展覽，精選過百件館藏珍品展出，包括約公元前3100至2700年嘅「馬家窯文化黑彩水波紋雙繫壺」、東漢時期嘅「綠釉三層陶樓閣」等，涵蓋新石器至明清時代陶瓷，跨越7000年，市民可免費參觀。

呢次展品包括宋朝嘅「兔毫盞」、清康熙時期嘅「五彩《西廂記》人物故事賓治碗」、南宋至元朝嘅「青釉雙鳳耳紙硾瓶」、清雍正嘅「鬥彩雞缸杯」、明末清初嘅「白釉觀音像」等，觀眾可以從科技、文化、文明交流等多角度，探索中國陶瓷嘅歷史同文化。

文物館同時舉行緊「甲辰說龍」特別展覽，展出逾50件精選館藏文物。文物館周一至周六朝10晚5開放，留意逢周四休息，周日同公眾假期就開下午1點至5點。