【Emily】M+快一歲 將辦草間彌生展 同日起開始收費

【明報專訊】今年11月12日係西九M+博物館開幕一周年，M+噚日宣布到時會開始收入場費，成人門票120蚊，全日制學生、7至11歲兒童、滿60歲長者等半價。M+趁住開幕一周年，將舉行首個特別展覽《草間彌生：一九四五年至今》，展出日本藝術家草間彌生嘅逾200件作品，包括3組特別為展覽而創作嘅全新作品，今次亦係佢喺日本以外嘅亞洲地區最大型回顧展，而門票要貴少少，成人240蚊，特惠票150蚊，但可以睇埋其他展廳。