【Emily】旅局邀日韓台藝人宣傳 珉豪@SHINee港打卡

【明報專訊】香港同國際全面通關，旅發局今年首季邀請咗日、韓、台等地藝人同KOL來港宣傳，包括同韓國時尚雜誌Luxury合作，喺3月刊製作20頁特輯，以香港經典為主題，更邀請韓國人氣男團SHINee成員崔珉豪（Minho）參與拍攝，去咗灣仔藍屋、雷生春、和昌大押等懷舊景點，以及迪士尼樂園、M+博物館等，唔怪得Emily早排見佢IG分享咗唔少香港靚相。

旅發局亦同日本富士電視台合作，邀請早晨生活資訊節目NONSTOP!主持人設樂統、井戶田潤、小籔千豊來港慶祝節目12周年，及邀請台灣美食旅遊節目《食尚玩家》主持人小禎、胡釋安來港拍攝，去主題樂園、西九文化區等景點。

另外，Netflix競技真人騷《體能之巔︰百人大挑戰》人氣王、韓國格鬥選手秋成勳早排就嚟咗香港活動，旅發局之後邀請佢留港一日遊，遊電車河、打邊爐等，感受「港式男人的浪漫」。

相關字詞﹕崔珉豪 旅發局