【明報專訊】房屋局長何永賢（Winnie）噚日喺facebook發帖，提到簡約公屋元朗攸壆路項目舊年12月動工，內地工廠3月啟動批量生產MiC組件，好高興見到全數組件已製作完畢，最後一批開始由惠州付運，月內全部運抵。
Winnie話攸壆路現場工程進度一刻都無鬆懈，仲話喺好多方面展示咗新質生產力嘅優勢，譬如以Full MiC（全組裝合成建築法）應對地盤挑戰，大大減少現場施工，相比傳統建造方式節省50%至60%工期，現場工人成本只係傳統建築30%，裝修環節設30個驗收專案及18個檢驗點，按流程逐級逐項驗收，而工廠生產實現更精細化驗收流程，大幅提升模組品質。
